Euskararen Nazioarteko Eguna ospatuko da abenduaren 3an. Horren harira, AED, Jardun eta Loramendi elkarteek eta Arrasateko euskalgintzakoek aldarrikatu dute egun hori euskaltzaleendako "bizitzeko, aldarrikatzeko, plazaratzeko eta ospatzeko eguna" izango dela. Eta dei egin diete herritarrei urte osoa euskararen egun bihurtzeko eta aldarrikatzeko. Beste dei bat ere egin dute: hilaren 29an Goiena paperaren bitartez etxeetan banatuko diren 'Euskarak 365 egun' leloa izango duten kartelak ikusteko moduko tokietan itsasteko.