Amaia Aldai eta Miriam Arrillaga ziren txapela janzteko faborito nagusiak. Finalera bidean jokatutako bi partidak irabazi zituzten. Finalean, ideiak garbi irten ziren kantxara: jokoa atzean kargatu eta, ahal zela, pilota ezker paretara sartu. Hala segituan hartu zuten abantaila (11-3), eta zieten aukerarik eman Bergarari eta Salsamendiri.
Salsamendirekin
Arrate Bergarak Olatz Arrizabalagarekin jokatu du Plazandreak txapelketa. baina gernikarrak Euskal Selekzioa ordezkatzeko gonbidapena jaso zuen, eta Laia Salsamendirekin jokatu behar izan zuen finala.
Edozein kirol diziplinan inportantea da finalak jokatzea, ondo egindako lanaren emaitza direlako. Baina, behin finalera helduta, horiek irabaztea beharrezkoa izaten da, egindako lanari ginga ipintzeko. Bada, Arrate Bergara, beste behin final bat irabaztetik pausu bakarrera geratu da. Eta, badira galdutako final batzuk.
Amestuta eta merezita txapel hori lortzeko bidean beste hainbat txapelketa ditu aurretik pilotari bergararrak. Opor egun batzuen ostean, udako txapelketarekin jarraituko du, eta ostean etorriko da Hiru Hiriburuak txapelketa.