Proiektuaren helburua da Osintxu auzoko bizi-kalitatea hobetzea, eraikinak modernizatuz eta energia eraginkortasuna handituz, Bergarako Hirigintza zinegotzi Markel Azkargortaren esanetan. Horrekin batera, auzoaren kohesio soziala eta garapen jasangarria indartu nahi dituzte.
Ekimena Osintxu Biziberritzen mahaia osatzen duten Bergarako Udalaren, Suradesa agentziaren, Txuringo auzoa elkartearen eta Soraluze kooperatibaren lanaren ondorio da, eta Eusko Jaurlaritzak ere 200.000 euroko diru laguntza eman du proiektua aurrera ateratzeko. Azkargortak azpimarratu du Open Gela bulegoaren zerbitzua oso garrantzitsua dela Osintxu bezalako auzo batendako.
Unai Rodriguezek emango du zerbitzua, eta Open Gela zabalik egongo da martitzenetan, hamarretatik ordubata t’erdietara eta eguaztenetan nahiz eguenetan, goizez hamarretatik ordubata t’erdietara eta arratsaldez, lauetatik zazpietara.