Iazko urtarrilean jarri zuen martxan Gizpuakoako Foru Aldundiak Baserritar Misto profesionala izeneko programa, lehen sektoreko lan bizitza beste jarduera profesional batzuekin konbinatzea ahalbidetzea asmo duena. Programan parte-hartzeko deialdi berri bat egin dute, eta hori aurkezteko lurralde mailan egiten ari diren aurekzpenen barruan, Bergaran egin dute geldialdia Nekazaritza eta Lurralde Oreka Berdeko zuzendari Joeba Aranburuk eta saileko aholkulari Iñaki Labakak.
Laguntza teknikoa eta ekonomikoa eskaintzen die nekazaritza arloan jarduera bat garatu nahi duten pertsonei, beste sektore batean beren lanaldia mantentzen duten bitartean. Antolatzaileen arabera, "programa honek harrera positiboa izan du hartzaileen artean hasieratik, eta egun 15 dira baserritar misto profesional figura hartu dutenak". Iraundi enpresako langilea izateaz gain, erlezaina ere baden David Manso arrasatearra da euretako bat.
Aurtengo deialdian, berrikuntza nagusi gisa, aurkezpen epea urte osora zabaldu da. Horri esker, interesdunek urteko edozein unetan egin ahal izango dute eskaera.
Informazio gehiago nahi izanez gero, jarri harremanetan Foru Aldundiarekin, bmp@gipuzkoa.eus helbide elektronikoaren bidez.