Zaldei ibilbidea egin zutenak –30 kilometro– 08:30ean abiatu ziren eta Artzei ibilbideko –15 kilometro– korrikalariak 10:00etan.
Jokin Etxabe izan zen nagusi Zaldei bidean 2:26:18 denborarekin eta haren atzetik sartu ziren Amets Aranbarri zestoarra eta Unai Martinez azpeitiarra biak batera (2:27:42). Emakumezkoetan Jone Zenitagoia elorriarra izan zen nagusi (2:55:41) eta haren ostean sartu z iren Eneritz Aramendi (3:06:01) eta Naroa Uria (3:15:32) biak azpeitiarrak.
Artzei bideari dagokionez, Urrestillako Ibai Angulok irabazi zuen proba (1:11:18) eta haren atzetik sartu ziren Aiako Mikel Usandizaga (1:12:15) eta Markinako Xuban Muniozguren (1:12:24). Emakumezkoetan, Nerea Urteaga zumaiarra helmugaratu zen lehenengo (1:29:48), ondoren Irati Larrañaga usurbildarra (1:31:39) eta hirugarren, Jule Olaizola zumaiarra (1:37:11).