Beart elkarteko artisten koadroak daude ikusgai Bergarako Aroztegi aretoan, uztailaren 13ra arte. Elkarteko 30 bat artistaren lanak ikus daitezke, askotarikoak; bai obren izaeragatik, bai gai aldetik, baita teknikengatik ere. Atzo egin zuten irekiera ekitaldia, Udaleko kultura zinegotzi Maite Usabiagarekin batera.
Gabonetan jarri izan du Beart arte elkarteak erakusketa, baina aurten, salbuespen moduan, hilabete honetan egingo dute urteroko erakusketa, urtean zehar egindako lanak herritarren aurrean erakusteko. Estilo "ugari eta originalak" ikusgai izango direla aurreratu dute Beart elkartekoek. Uztailaren 13ra bitartean egongo da zabalik erakusketa Aroztegin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.