Bergarako Udal Pilotalekuan jokatutako finala hiru kategoriatan banatutako txapelketa izan da; binakakoan aritu dira, guztiak, emakumezkoen sailak, gizonezkoen promesen mailakoak, eta, gizonezkoetan nagusiak. Bergarako zaleak ere erakarri zituen txapelketak pilotalekura.
Emakumezkoetan Ibarrola eta Mendizabal nagusi (22-12)
Emakumeen kategorian: Ibarrola-Mendizabal eta Salsamendi-Vertiz partidua izan zen jokatu ze lehenbizikoa. Partidua gogorra izan zela onartu zuten pilotariek, baina gerriko urdina zeramatenek alde nabarmenarekin garaitu zituzten gerriko gorridunak. Hain zuzen ere, 22-12 amaitu zuten partidua.
Promesetan, Ramirez eta Okiñena irabazle (22-12)
Promesetan, berriz,Ramirez-Okiñena bikoteak Ibarra-Elorza bikotearen aurka jokatu zuen. Unax Raminez eta Jon Patxi Okiñena izan ziren irabazleak. Partidua berdinduta hasi zuten bi bikoteek, eta garaileek adierazi zutenez, kosta zitzaien emaitza borobiltzea eta euren jokorik onena egitea. Emakumezkoen kategoriako emaitza berarekin amaitu zen partidua 22-12.
Seniorretan, Fernandez eta Loza irabazle (22-15)
Seniorretan, nagusien sailean, berriz, Fernandez-Loza eta Egiguren-Uriondo pilotarien artekoa jokatu zen. 22-15 irabazi zuten gerriko gorria zeramatenek, Carmelo Lozak eta Jorge Fernandezek. Partidua oso ondo hasi zuten, aurretik, baina, zailtasunak ere izan zituzten partidua aurrera joan ahala, baina, markagailuari eutsi eta txapela lortzea lortu zuten.
Sari banaketa ekitaldian, Beñat Rezusta pilotari bergararraren Aitor Aranzabalen eta Eider Usobiagaren (Bergarako udal ordezkariak) eskutik jaso ahal izan zituzten finalistek txapelak eta garaikurrak, Bergarako frontoira joandakoen txaloen artean.