Erretiratu elkarteen arteko sukaldaritza lehiaketan, nor baino nor gehiago

Bergarako San Joxepe elkartean jokatu da Debagoieneko erretiratu elkarteen arteko sukaldaritza lehiaketa, datorren zapatuan, hilaren 21ean, Legazpin egingo den Gipuzkoakoan nor arituko den erabakitzeko. Bi bikote izan zituzten arrasatearrek ordezkaritzat, eta bana, berriz, Oñatik, Bergarak eta Antzuolak; azkenean, Txomin Dominguez eta Jesus Zubikarai antzuolarrek eskuratu zuten Gipuzkoako lehiaketarako txartela.