Udal Artxiboak Parte hartu ekimena jarri du martxan. Argazkiak datuz osatzeko herritarren laguntza eskatu dute, eta, horretarako, beste atal bat ireki dute webgunean: bergarakoartxiboa. eus.
Hamabost egunean behin argazki bat igoko dute, argazki horren gaineko datuak biltzeko. "Igoko dugun argazkia ondo aukeratzea komeni da; herritarren interesekoa izatea, ekintza ezberdinen bat erakusten duena... Gero, erantzunak ondo daudela ere ziurtatu behar dugu, eta bada lana". dio Arantzazu Oregi Bergarako Udal Artxiboko arduradunak.
Herritarren batek argazkiari buruzko daturen bat baldin badaki, webguneko irudi azpian agertuko den fitxa osatu ahalko du. Zalantzarik izanez gero, herritarrak Artxiboko arduradunekin harremanetan jarri ahalko dira, 943-77 91 27 telefono-zenbakira deituta edo artxiboa@ bergara.eus posta elektronikora mezua bidalita.
