Martxoaren 8ko adierazpena lantzeko prozedurak eztabaida eragin zuen Udal Gobernuaren eta oposizioaren artean. Eudelen manifestuari alternatibo bat aurkeztu zuen EH Bilduk eta hori izan zen bozkatu eta onartu zena, EAJren kontrako botoekin eta PSE-EEren abstentzioarekin. Bestalde, Jardun azokara lekualdatzeko hitzarmena aho batez onartu zen.
Edukietan apenas sartu barik, Martxoaren 8ko adierazpena lantzeko prozedurak eztabaida eragin zuen Udal Gobernuaren eta oposizioaren artean. Eudelek proposatutako adierazpena nahikoa ez zela iritzia, EH Bilduk zaintza eta gobernantza feminista erdigunean jarriko dituen adierazpena proposatu zuen, oposizioaren arabera, azken orduan. Osoko bilkura hamabost minutu berandu hasi zen bozeramaileen artean adierazpen bateratu bat adosteko, baina ez zen akordiorik lortu.
Jardun euskara elkartea, azokara
Bestalde, aho batez onartu zen Jardun liburutegitik azokara lekualdatzeko hitzarmena. Aspaldiko eskaera bati erantzungo zaio hitzarmen horrekin, eta Udal Gobernuaren asmoa da euskara elkartea lehenbailehen martxan jartzea gaur egun txiki-txokoa dagoen ondoko lokal baten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak