Josetxo Muniategiandikoetxea ez zen galan egon, baina asko eskertu zuen berak eta beste pertsona batzuek jaso zuten errekonozimendua. Hauek ere, bera bezala, eskubaloian jokatzen hasi ziren eta ostean aulkietara pasa ziren, entrenatzaile lanak egiteko.
Bergarako eskubaloiak bilakaera handia izan du azken 25 urtetan. Urte onak bizi izan ditu, eta txarrak ere bai. Azken denboraldietan bizirik mantentzeko ahaleginean lan handia egiten dihardute, bereziki neskak eskubaloira erakartzeko. Lan zaila dute eskuartean, eta kontziente dira.
Beste bi aipamen
Abenduaren 29an Zumaian egindako galan bailarako beste bi ordezkari goraipatu zituzten. Biak ala biak, beraien klubetako zuzendaritzatan egindako lanarengatik: Arrasate Eskubaloiko Ines Azpiazu eta Aloña Mendiko Carlos Ugarte.
