Azken urteetan zerbitzu publikoetan lan baldintzak eta kalitateak nabarmen okerrera egin dutela argudiatuta, Madrilen ordezkaritza duten euskal alderdiei eskatu diete soldata eta enplegua Euskal Herrian adostu ahal izatea ahalbideratu dezatela.
Lanuzteen bitartez hainbat aldarrikapen gauzatuko dituzte, esaterako, behin-behinekotasun erreala %8tik behera kokatzea. Une honetan, zerbitzu publikoetako lan kontratuen %40 behin-behinekoak direla salatu dute sindikatuek.
Eros-ahalmena bermatzeko, 2024rako soldaten %10 igotzea ere eskatuko dute. Izan ere, sindikatuek emandako datuen arabera, %20 murriztu da langile publikoen erosahalmena azken bi urteotan.
Greba deialdiarekin lerrokatuta, Bergaran egingo diren elkarretaratzeetan parte hartzera ere deitu dituzte herritarrak. Urriaren 16an, 18an eta 20an, San Martin plazan izango dira horiek, eguerdiko 12:00etan.
