Euskal Herriko gobernuz kanpoko erakundeendako erakusleihoa izan da gaur, Bergarako San Martin plaza. Izan ere, euria dela eta, Mariaren Lagundia ikastolak Seminarixoko arkupean antolatu du azken urteetan antolatu duen azoka solidarioa. Produktuak saltzeaz gain, euren lanaren berri eman dute GKE-ek, eta bergarar asko gerturatu dira postuetara.
Guztira hamar GKE elkartu dira gaurkoan: Mariaren Lagundia ikastolaren FISC erakundea, Hotz Oñati, Semillas para el cambio, AMS, Garagune, Adeco, Nazioarteko elkartasuna, Ndank Ndank, IMME eta Gipuzkoako Oskar Romero solidaritza.
