Atzo hasi zen Bergarako Udal Pilotalekuan hogeita bostgarren Bergara Hiria txapelketa , eta maiatzaren 29ra bitartean jokatuko da. Sei bikote izango dira emakumezkoen kategorian, eta gizonezkoetan bi kategoriatan banatuko dira; sei promesen mailan eta zortzi bikote kategoria mailan.
Atzo jokatu ziren lehen neurketak, final laurdenak. Emakumezkoetan, bi ordezkari debagoiendar izan genituen. Maddi Barrocal bergararrak Agirrerekin bikotea osatu zuen, eta Uxue Oses oñatiarrak Zabaletarekin. Garaipena Barrocal eta Agirrerentzat izan zen, 22 eta 15. Gizonezkoetan, Ander Etxaniz bergararra lehiatu zen, eta galdu egin zuen.
Partiduak martitzenetan jokatuko dituzte (19:30), eta bi partidu jokatuko dira. Hiru neurketa daudenean, lehen partida 18:30etara aurreratuko da. Finalak Pentekosteetan izango dira, maiatza bukaeran.
Barrocal, Oses eta Etxaniz debagoiendarren debutaren ondoren, Maddalen Etxegarai oñatiarra eta Ander Murua arrasatearrak izango dira hurrengoak jokatzen, maiatzaren 2an.
