Bergarako Udaleko herritarren batzordeko arduradun-zinegotzi Ekaitz Aranberrik aurtengo berrikuntza nagusia aipatu du: "Kalitatezko eskaintza osatzen ahalegindu gara. Iaz genionaren ildotik, uste dugulako herritarrek, eta kasu honetan haurrek eta gaztetxoek, hori behar eta merezi dutela. Berrikuntza bat ere badakar aurtengo eskaintzak; arte udalekuetarako eskaintza gehitu diogu, Beart-en bitartez".
Era berean, eskaintza ahalik eta zabalena izatearen garrantzia azpimarratu du Aranberrik: "Haurrentzat eta gaztetxoentzat, haien garapenerako garrantzitsua baita, modu ludikoan ikastea, harremanak lantzea, eta nola ez, aldi berean ondo pasatzea. Udalekuetan, egunerokoan ezagutzen ez dituzten pertsonekin harremanak lantzeko aukera dute, jolasaren, kirolaren edo bestelako jardueren bitartez. Eta bestetik, egunerokoan haien ikaskide direnekin ere bestelako harremanak lantzeko aukera izaten dute".
