Bergarako Udalak Baliabideen gida kaleratu du, Bergarara bizitzera doan pertsona edo familia batek hasiera batean beharko lukeen informazioa edukitzeko. Gorka Artola alkateak azaldu du gidaren helburu nagusia: "Urtarrilean 2022. urtean Bergarara etorritako jendearekin zirriborro bat egin genuen, eta haiek egindako ekarpenekin osatu dugu gida hau". Baliabideen gida honen helburua herriak dituen zerbitzu eta eskaintzak jende guztiari "eskura" jartzea dela azaldu du Artolak.
Gaur aurkeztu duten baliabideen gida urtarrilean egindako ekitaldi horretatik abiatutakoa da. Ez da Udaleko informaziora soilik mugatzen eta bertan etapa berriari aurre egiteko pertsona edo familia batek behar duen informazio nagusia jasotzen da.
Liburuxkak jasotzen du, besteak beste, herriaren aurkezpena, herriko gune interesgarriak, itzulpen zerbitzuaren inguruko informazioa, erregularizazioari buruzkoak, Gizarte zerbitzuei lotutakoak, etxebizitzari buruzkoak, hezkuntzari lotutakoak...
Hemendik aurrera gida hau udaleko web orrialdean egongo da eskuragarri eta erroldatzen diren herritarrei honen berri emango zaie. Erroldatzerako momentuan norbaitek arazoak izango balitu web orritik lortzeko, Udalean inprimatuta emango zaiola azaldu dute Udaletik.
