Hala, 4.0 Fabrikazio Aurreratuari buruzko bikaintasuneko Europako proiektu batean parte hartzen dihardu Miguel Altunak eta horrek errekonozimendua ekarri diola ikastetxeari azaldu du Joxu Arana zuzendariak.
Erronkak
4.0 industria digitala ate joka dator eta iraultza hori iristerako langileak prestatuta izatea du egitasmoak erronka. 2027ra bitartean, Europar Batzordearen dirulaguntza 400 milioi eurokoa da eta 100 bikaintasun-zentro izatea dute asmo. Era berean, Europako Batzordeko enplegu eta inklusio gaietako zuzendari orokorrak, Joao Santosek, Euskal Herriko Lanbide heziketa inspiratzailea dela Europarendako nabarmendu du. Izan ere, Europako estrategiaren oinarria bikaintasuneko ikastetxeen arteko lankidetza-sareak sortzea da, ikasleei etorkizuneko erronkei erantzuteko prestakuntza emanda eta produkzio-sarearen lehiakortasuna indartzen lagunduta.