Hego Euskal Herriko hiriburu guztietan egingo dituzte mobilizazioak zapatuan, eragile zibil eta sindikatuek babestuta. EAEko, Nafarroako eta Madrilgo gobernuei eskatuko diete pentsio publiko duinak bermatzeko lan egitea, 1.080 euroko gutxieneko pentsioa osatzeko neurriak hartzea, erosteko ahalmena bermatzeko lan egitea, urteko KPIaren arabera eguneratuz pentsio eta soldatak, genero arrakalarekin amaitzea soldata eta pentsioetan eta gizartean zerbitzu unibertsalak hobetu eta bermatzea.