Jokin Bereziartua: "Eman izena lehenbailehen, ez zaizue-eta damutuko"

Danbaka Musika Lehiaketaren bosgarren edizioa gero eta gertuago dago. Urriaren 14an emango zaie hasiera emanaldiei Bergarako Seminarixoa aretoan. Izena emateko unea da orain, eta eskualdeko musikariak ari dira animatzen. Jokin Bereziartua da Danbaka Musika Lehiaketako koordinatzailea. Aurreratu du oraingoz izena eman duten talde edo bakarlarien artean askotariko musika estiloak daudela, eta Debagoieneko herri guztietako musikariak daudela. Azpimarratu du izenemateak zabalik jarraituko duela irailaren 18ra arte. Informazio guztia danbaka.eus atarian dago ikusgai.