'Adar lotuak' erakusketa, irailaren 4ra arte ikusgai Aroztegin

Soraya Garcia Suarezen Kritika izeneko olio-pinturen erakusketa amaitu berritan, Bergarako Aroztegi aretoko kultur eskaintzak ez du etenik, ezta abuztuaren ere. Hala, joan zen egubakoitzean ireki zituen ateak erakusketa berri batek.

If Matxikote artista lapurtarraren lanak izango dira datozen asteetako protagonistak. ‘Adar lotuak’ izenburupean, irekiera egunean bertan izan ginen Uztaritzeko semearekin hizketan, erakusketaren muntaketa lanetan zebilen bitartean. 2009tik gaurdaino sortu dituen artelanak daude ikusgai, gai eta molde anitzekoak.

Atzera begirako erakusketa da ‘Adar lotuak’; azken 13 urteetan Matxikotek bizi izandako uneen eta eraldaketen isla. Konplexurik gabe eta askatasun osoz hasi zen marrazten 2009an, gai sozialekin lotutako iruditegi abstraktuetatik abiatuta. Eta bide horri eutsi dio urteetan zehar.

Astelehenetan ezik, egunero zabalik

Abuztuaren 12an ireki zituen ateak erakusketak, eta irailaren 4ra arte egongo da lapurtarraren lanak ikusteko aukera.

Martitzenetik zapatura, 18:00etatik 20:30etara egongo da irekita Aroztegi aretoa; baita zapatu eta domeka goizetan 12:00etatik 14:00etara. Hamahiru urteko ibilian, egungo errealitatearen gainekoak diren lanekin amaitzen da erakusketaren bidaia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.