Eli Dominguez: "Aurtengo bidaia ere oso esperientzia polita izan da; uste dut gehiago ere egingo ditugula"

Ndank Ndank elkarteak bultzatuta apirilean egin dute elkarbizitza eta elkartasun programako bigarren bidaia Senegalgo Dionewar herrira. Hain zuzen ere, Bergarako eta Beasaingo hemeretzi laguneko taldeak hamabi eguneko egonaldia egin du bertan. Goienarekin elkarlanean irudiz jaso dute bizi eta ikusitakoa, eta bihar, barikua, izango da ikusgai 'Ndank Ndank Debagoienetik Senegalera' izeneko erreportaje berezia, 21:30ean. Aldi berean, bihar aurkeztuko dute jantzi bilduma berria. Webgunean egongo dira salgai arropak. Ohi duten moduan irabaziak Dionewarko proiektuetara bideratuko dituzte.