Baionako kortsarioen erakusketa Laboratorium museora heldu da

Ez da berria Bergarako Beart elkartearen eta Baionako Kortsarioen Arte Galeriaren arteko lotura. Trukeak egin ohi dituzte eta behin baino gehiagotan izan dira Bergarako artelanak Baionan ikusgai, eta alderantziz. Hori bai, Baionako artistek Aroztegin erakutsi izan dute orain arte, eta aurten Laboratorium museoan erakusteko aukera izango dute. Erakusketa zabalik dute herritarrek gaur 18:00etatik aurrera.