Bi kategoriatan jokatuko da, promes eta nagusien mailan, eta zazpi jardunaldi izango ditu. Txapelketa azkarra izango da beraz: partidua irabazten duenak aurrera egingo du, eta galtzen duenak etxerako bidea hartuko du. Hamasei pilotari lehiatuko dira. Tartean daude Ander Murua arrasatearra eta Aitor Mendizabal antzuolarra.
Iazko etenaren ostean, itzuli dira Bergarako munizipalera promes eta nagusien mailatako pilotariak. Martxan da lau eta erdiko XII. Soraluce pilota txapelketa. Promes mailan zortzi pilotarik jokatuko dute, eta nagusien mailan, beste zortzik.
Maiatzeko martitzenetan jokatuko dituzte final laurdenetako eta finalerdietako kanporaketak. Guztiak, 19:30ean. Final handiak, ekainaren 6an izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.