Otsailaren 1etik notario berria dago Bergarako notariotzan. Maria Longarte Ulacia du izena, tolosarra da eta aurretik bi urte egin ditu Segurako notariotzan. Euskal hiztuna da, eta garrantzi handia ematen dio bezeroei ama hizkuntzan adierazteko aukera emateari.
Azaldu du salbuespen gutxi batzuk kenduta norberak aukera dezakeela notarioa. Horrekin batera, hainbat gako eman ditu 2019a ezkero indarrean den maileguen lege berriari buruz, eta, baita ere, gaitasun askotariko pertsonekin lotuta 2021a ezkero berritasun garrantzitsuak ekarri dituen legeari buruz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.