Bi txapelketetarako sarrerak bost euro balioko du, eta haiekin zein Bedelkarrek herriko dendek emandako produktuekin osatuko duen saskiaren zozketarekin lortutako dirua Fundamerentzat izango da.
Kirol arloari dagokionez, gazte mailako 31. txapelketan, Alfredo Najeraren oroimenezkoan, Bergara, Reala eta Alaves ariko dira lehian Agorrosinen.
Emakumeen txapelketan, berriz, Bergara, Reala eta Elorrio izango dira lehiakideak, Ipintzan.
Hiruko erako bi txapelketak Errege Egun bezperan, urtarrilaren 5ean, izango dira, goizez; 10:30ean, 11:30ean eta 12:30ean izango dira norgehiagokak, eta bi txapelketen sari banaketa 13:30ean izango da Agorrosinen.
