Egubakoitzetik zapatura bitarteko gauean hil zen 44 urteko Markinako langilea Bergarako Fagor Ederlanen lanean ari zen bitartean. 22:00etan, gaueko txanda hasi eta berehala.
"Lan istripu ez traumatikoa" izan dela salatu du LAB sindikatuak, eta 2021ean dagoeneko 15 langilek galdu dutela bizia modu horretan –guztira 59 langilek galdu dute bizia euren lanpostuetan Hego Euskal Herrian 2021ean–. Langilea LABeko afiliatua zen: "Ezer baino lehen, LAB sindikatutik gure doluminik zintzoenak helarazi nahi genizkieke B.O.M. langilearen lankide, lagun eta senitartekoei".
Txandakako sistema
Beharginaren heriotza ezin dela halabeharrari egotzi nabarmendu du LABek: "Oso irakurketa sinplista izango litzateke hori. Behin baino gehiagotan salatu izan dugu txanda sistemak eta bereziki gaueko lanak osasunean eragiten duen kalte fisiko eta psikologikoa".
Fagor Ederlanek baieztatu egin du gertakaria
Fagor Ederlanek, bere aldetik, heriotza baieztatu du: "Zoritxarrez, egiaztatu dezakegu, egubakoitzean, 22:00etan, arrazoi naturalengatik, bazkide afiliatu bat hil zela planta produktiboan". Gehitu du: "Ezbeharrera gehitzea besterik ez zaigu geratzen, eta lagun eta familiei dolumina adieraztea".
Fagor Ederlanek Bergaran duen mekanizatuko plantan gertatu zen ezbeharra.