Horietako batzuk batu dira Bergarako EH Bilduren Bilgunean egindako aurkezpenean. Martin Garitano Gipuzkoako diputatu nagusi ohia eta Jaione Isazelaia Bergarako alkate ohia. Hamar urteko ibilaldian norberak izan duen ekarpenari buruz egiten da berba dokumentalean, eta horren inguruan jardun dute dokumentala ikusi ostean. Bereziki, Garitanoren eta Isazelaiaren esperientziak ezagutu dituzte.
Ordubete pasa
Ordu eta bost minutuko iraupena duen dokumentalean EH Bilduk izan duen bilakaera kontatzen da. Lurraldeka, Gipuzkoan, Bizkaian, Araban eta Nafarroan. Eta, baita, herrika izan duen bilakaera. Eta, horietan, koalizioak bizi izan dituen une gogoangarrienak aipatu dituzte, elkarrizketatuek.
Hainbat herritar batu zen dokumentala ikustera. Izan ere, hasieran komentatu zuten moduan, lan hori, herritarrei eskerrak emateko modua ere bada. EH Bilduren komunitateak egindako lanari aitortza. Gaineratu zuten, bide beretik jarraituko dutela lanean, etorkizunean ere.
