Euskaltel-Euskadi taldeak bost txirrindulari baieztatu ditu hurrengo urteari begira: Mikel Aristi (1993), Iker Ballarín (1997), Joan Bou (1997), Gotzon Martín (1996) eta Antonio Soto (1994). Aristi eskarmentu handiko txirrindularia da, 30 urte bete ez dituen arren. Aurten, denboraldi hasieran protagonista izan zen zenbait lasterketetan. Lautan helmugaratu zen bigarren postuan, GP Valentzian, Per Sempre Alfredo proban eta Alentejoko (Portugal) bi lasterketetan.
Hala, Euskaltel-Euskadik guztira hamabi lagun baieztatu ditu 2022ra begira. Izan ere, aurretik aipatutako bost lagun horiei batu behar zaizkie joan den asteburuan Oñatin irabazi zuen Laboral Kutxako Unai Iribar, haren taldekide Xabier Mikel Azparren, Mikel Bizkarra, Julen Irizar (Bergara), Mikel Iturria, Juanjo Lobato eta Luis Angel Mate.
