Bigarren saio honetan ikus-entzunezkoetan jarri dute indarra, eta besteak beste, ikus-entzunezko bat egiterako orduan, kontuan hartu behar diren gakoak azaldu dizkiete sortzaileek ikasleei: ideia, argiztapena, lokalizazioa, edota grabatuko den formatuaren garrantzia. Saioren bigarren atalean ikasleen txanda iritsi da. Bikoizketa ariketak egin dituzte, ideiak garatu dituzte, eta taula gainera igotzera ere animatu dira, bertan kokatutako chroma-n irudi batzuk hartzera.
Horretaz gain, sare sozialen inguruan aritu dira sortzaileak, eta Instagram bitartez, argi-uztai bat ere zozketatu dute saioan; gogotsu hartu dute parte zozketan. Dinamikako bigarren erronka ere aurkeztu diete saioko gidariek.
Ikasleek bisita "gustura" hartu dute eta ikasitakoa asko eskertu.
