Miguel Altuna Lanbide Heziketak ikasturteko egun handia ospatu zuen urtarrilaren 29an, San Juan Bosco eguna. Pandemiak ez zuen ospakizun handirik ahalbidetzen baina gaur egungo zuzendaritzak erabaki zuen "omenaldi txiki bat" egitea langile ohiei eta horregatik gonbidatu zituzten zazpi zuzendari ohi: Juan Gallastegi, Fernando Otaño, Felix Askasibar, Jose Ramon Arakistain, Jose Mari Larrañaga, Iñaki Larrañaga eta Iosune Irazabal. Zuzendari ohi bakoitzak zuhaitz bana landatu du, besteak beste.
San Juan Bosco eguneko ospakizunik eta parrandarik ez zuten izan ikasleek, baina egun berezia zela antzematen zen egoitza berrian. Izan ere, tailer berria bisitatu zuten zuzendari izandako Juan Gallastegi, Fernando Otaño, Felix Askasibar, Jose Ramon Arakistain, Jose Mari Larrañaga, Iñaki Larrañaga eta Iosune Irazabalek eta ondoren oroigarri bana jaso zuten areto nagusian. Goiza borobiltzeko, zuhaitz bana ere landatu zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.