San Martin plazan hasitako manifestazioak herriko kaleak zeharkatu zituen. SOStalaritza leloa zuen pankartaren atzetik joan ziren herritarrak, lapikoen estalgarriekin zarata eginez. Aurretik, buruan, edari eta janari banatzaileak, bozinak gogor joz.
Amaiera San Martin plazan egin zuten, eta berriro eskatu zituzten laguntzak: udalarena eta beste erakunde batzuena.
70 ostalaritza zerbitzu inguru
Bergaran 70 bat ostalaritza zerbitzu daude. Tabernak, jatetxeak eta hotelak. Guztira, 300dik gora pertsonari eragiten die negozioen itxierak. Askok, uda denboraldian izandako oztopoak gaindituz, negozioa salbatu dute.
Bada, neguari begira, askoren egoera zaildu eta gogortu egingo dela uste dute ostalariek. Beste behin "kriminalizatuak" sentitzen dira.