Mizpirualdeko arduradun Alazne Irabazalek GOIENAri aitortu dioenez, oso nekatuta daude: "Egun batetik bestera oso aldakorra da egoera". Hala ere, Diputazioa egiten ari den lana txalotu nahi izan du: "Bikain ari dira. Positibo bat dagoenenean, asteburua izanda ere, berehala etortzen dira egoiliarra Eibarreko osasun zentrora edo ospitalera eramateko".
Irazabalek gaineratu du nola ari diren birusaren hedapena saihesteko lanean: "Sei unitate ditugu eta bitan izan dira infekzioak; gure helburua da unitate horien artean kontakturik ez izatea, ezta langileen partetik ere. Gainera, suhiltzaileak maizago datoz orain desinfektatzera".
