Bergarako Udalak "ahalegin berezia" egin du pandemia egoeran ere, "adin guztietarako ahalik eta egitarau anitzena eta orekatuena" lortzeko. 34 ekitaldi antolatu dituzte, musika, dantza, antzerkia eta umeendako emanaldiak aintzat hartuta. Seminarixorako ekitaldiez gain, urriaren 26an eta 27rako antolatutako Kultura Kalera ekimenaren eta urriko azken egunetarako aurreikusita dagoen Txotxongilo Mostraren berri eman dute.
Kultura zinegotzi Kristina Markinak argi utzi du kulturaren aldeko apustua egin duela Udalak: "Arduratuta gaude kultura eragileen egoeragatik eta herritarrok kultura egarria dugula, kultura beharra. Horregatik udan zehar apustua egin dugu segurtasuna bermatuz kultura emanaldiak egiteko. Emaitzak oso onak izan dira eta herritarrek zein sortzaileek eskertu dute. Eta, orain, Seminarixoko ateak zabalduko ditugu kulturari eta sorkuntzari merezi duen lekua egiteko, gure alea jarriko dugu".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
