13 urte artekoei eman die baimena Gobernuak gaurtik, kalera irteteko. Egunean behin, gehienez ordubetez eta bizilekutik kilometro bateko eremuan ibili ahal izango dira, eta beti ere, heldu baten zaintzapean –gurasoak edo gurasoek emandako baimena duena–. Jostailuak atera ditzakete etxetik, horregatik bizikletekin, patinekin, patineteekin eta baloiarekin egin dute jolas askok. Izan ere, parkeek itxita jarraitzen dute, eta beste lagun batzuekin ezin dira elkartu.
Debekuak debeku pozik agertu dira Bergara aldeko neska-mutikoak, kalea zapaltzeko aukera izan dutelako 40 egun itxialdian pasatu ostean.
