"Egoera epidemikoa geldiarazteko" neurri berriak dira, atzo jakinarazitakoak. Neurriak, hezkuntza arautuan ez ezik, eskolaz kanpoko jardueretan ere eragina du. Helburua da ume eta gaztetxo asko elkarrekin eta toki berean denbora luzez ez egotea. Ikusi baitute, ingurukoak kutsatzeko gaitasun handia dutela umeek. Erabakigarritzat jotzen da eskola komunitatean gaitzari eusten laguntzeko, eta hori etxeetara heda ez dadin.
Tenperatura hartzea
Bestetik, Covid-19ari aurre egiteko Eusko Jaurlaritzako Osasun Sailak esan du EAEn, ikastetxeetara joan aurretik tenperatura hartu beharko zaiela ume guztiei, eta 37 gradu izanez gero edo arnasketa arazoak etxean geratu beharko dute horiek. Zaharren egoitzetara joan aurretik ere tenperatura hartu beharko dute lagun guztiek.
49 kasu gehiago
Gaur eguerdira arteko datuen arabera, 197 ziren koronabirusak kutsatutako pertsonak EAEn, atzo baino 49 gehiago.
