Aitor Eraña: "Mendi Asteko egitaraua mendizaletasunak dituen askotariko aurpegien isla da"

Pol Polen Mendi Astea da otsailaren 24tik martxoaren 1era artekoa eta, urtero moduan, mendiarekin lotutako esperientzia ikusgarriak ezagutzeko aukera dago. Elkarteko presidente Aitor Eraña izan zen atzo Goiena telebistan, Lanzarotetik ailegatu berri eta kalimak eragindako gorabeherak lehen pertsonan ezagutu ostean, eta luze eta zabal jardun zuen, besteak beste, Mendi Asteaz eta mendizaletasunak azken hamarkadetan bizi izan dituen aldaketez.