Eskolartekoetan 20 ziklista inguru izango dituzte, kadete mailan lau, eta gazte mailan bost. Mendi sailean, bestalde, 10 txirrindulari ariko dira.
Iñigo Larrañaga Lokatzako kideak azaldu duenez, eskolartekoetako ziklista kopurua hazi egin da aurten. "Indarra hartzen doan taldea da, eta bi neska ere animatu dira". Hor ere jarri gura izan du fokua. "Neskak txirrindularitzara gerturatzen ari zaizkigu eta hori aberasgarria da taldearendako; hazteko balio digu eta haiekin batera ikasi ahal izateko", gaineratu du.
Gorlako igoera martxoko azken domekan izango da, 29an.
