Bidaiak iraun duen hamabostaldian hainbat ekintza egin dituzte, eraikuntza lanetatik hasi eta kultur ekintzetaraino. Horretaz gain, bertan ikusmen arazoak dituztenei laguntzeko asmotan, graduazio makina bat eta 150 betaurreko graduatu eraman dituzte Euskal Herritik. Betaurreko graduatuez gain, eguzkitakoak ere banatu dituzte.
Eta Senegalera bidaiatu duten talde honen barruan izan dira familian bidaiatu dutenak ere, horien artean Asier Arrieta eta bere familia. Arrietak dio hasiera batean urduri zeudela baina esperientzia polita izan dela familia guztiarentzat eta primeran moldatu direla. Arrietak gaineratu du, orain behin etxera bueltatuta, esperientzia horri buelta batzuk eman eta balorean jartzeko ordua dela.
