ETBko Sukaldari saioko atal bat grabatu dute gaur, Bergarako glutenik gabeko egunean. Izan ere, Joseba Argiñano sukaldari eta aurkezlea zeliakoendako postreen lehiaketako epaimahaiko kidea izan da.
Zeliakoen gainean eta gluten bariko produktuen berri ematea da egun honen helburua, eta gaurkoan “postre gozoak eta jaki gozoak glutenik gabe ere egin daitezkeela” erakutsi nahi izan dute antolatzaileek.
Gainera, umeendako puzgarriak egon dira plazan eta Bergarako Erraldoi Taldeko kideek giroa berotu dute kiliki, erraldoi eta buruhandiekin.
