Kultura Digitalaren aste honetan, haurren eta gazteen gaitasun digitalak garatzea da asmoa eta Denis Itxasok adierazi du "sareen erabilera kritiko eta kontzientea sustatzea, bretxa sozialarekin amaitzea, teknologiarako sarbiderako generoko eta lurraldekoa eta ziberbullying-ari aurre egiteko tresnez dohatzean dago oinarria".
Bost egun hauetan hainbat ekintza antolatu dira. Batetik, ikasgela ibiltarian bideo-jokoak eta webguneak sortzeko programazio-tailerrak eskainiko dira ume eta gaztetxoei. Bestetik, ikasleen proiektu teknologikoen aurkezpenak ere egingo dira Bergarako ikastetxeekin elkarlanean. Horrez gain, topaketak ere antolatu dira ezagutza digitala eta teknologikoa lantzen duten elkarteekin.
