Bergarako Frontoian 400 lagun inguru batu dira Elezkano II-Rezusta eta Irribarria-Zabaletaren aurkako partidua ikusteko. Beñaten final guztietan egin ohi duten moduan, pantaila erraldoia jarri dute bertan, eta bergararra Bilbora animatzera joan ezin izan dutenak, etxean geratu dira Binakako Txapelketako finalaz gozatzeko. Aurreikuspenak hautsita, bikote gorriak irabazi du tentsioz eta zirraraz betetako partidua (22-19). Hori horrela, Bergarako frontoian batu direnek ederki ospatu dute garaipena.
Bergarako frontoiko harmailen lehenengo lerroetan herriko haur ugari batu dira, tartean, pilota eskolako haurrak. Gogotsu eta tentsioz bizi izan dute partidu osoa, baina, finala hasi bezain pronto, argi zeukaten Beñatek txapela lortuko zuela.
Emozioz betetako partidua izan da, eta herritarrak pozik geratu dira partidu amaieran. Hala, emaitza honekin, Bergarako atzelariarentzat bigarren txapela da lau final jarraian jokatu ostean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
