Lehen lan hauek ere fase ezberdinetan egingo dituzte, eta horiek finkatzeko orduan, teknikoek hartueman zuzena izan dute Aranzadi ikastolarekin eta inguruko eragileekin.
Erramu Zapatuko feria patioan
Apirilaren 13an egingo den Erramu Zapatuko feria aurreko urteetan bezala Seminarioko patioan izango dela adierazi du Elena Lete alkateak, horretarako beharrezkoak diren segurtasun neurriak hartuta eta lanek hartuko duten eremua txikituta.
Obrek aurrera egin ahala, ekain erdi inguruan, Ibargarai kale inguruko zirkulazioan ere izango dute eragina. Alkateak nabarmendu gura izan du une hori heltzen denean, emango dutela zirkulazioan egingo diren aldaketen berri.
Artzamendi enpresa ari da lehen lanok egiten, 280.000 euro inguruko aurrekontuarekin. Behin horiek bukatuta, asmoa da uztail hasieran hastea lurrazpiko aparkalekua egiteko zulaketa lanekin.