Obrek iraun artean, Elena Letek adierazi duenez, "ia normaltasun osoz" funtzionatuko du kiroldegiak: "Bigarren fasean eragina handiagoa izango da". 2020an kantxa berria jartzea, sarrera berrantolatzea, komunak eta taberna birkokatzea, igogailua jartzea eta askotariko erabileretarako bi lokal sortzea –auzotarrendako bata eta kirol taldeentzat bestea–. Horrez gain, rokodromoa handituko da eta itxitura jarriko zaio, besteak beste.
Erabilera handiko azpiegitura
Labegaraietako kiroldegiak ez du apenas interbentzio garrantzitsurik izan 1980ko hamarkadatik eta asko erabiltzen den azpiegitura bat da. Kirol federatuan honako talde hauek erabiltzen dute: eskubaloia, saskibaloia, hockeya eta irristaketa, gimnasia erritmikoa, piraguismoa eta eskalada. Horrez gain, eskola kirolerako ere erabiltzen da.
Eta, tarteka, izaten ditu beste zenbait erabilera, berreskuragarriak direnak: Gabonetako parkea, kontzertuak, selektbitate-azterketak, gimnasia klaseak, ikastetxeendako ekintzak. "Auzotarrendako kirol taldeendako eta oro har edozein herritar edo elkarterendako aukera ezberdin asko zabalduko dira kiroldegia eta ingurua berritu ostean", adierazi du Elena Lete alkateak.