Azaroaren 3an egingo da Soraluze-Bergara lasterketa

Badator, hamalaugarren aldiz, Soraluze eta Bergara arteko Antxintxika lasterketa Mikel Crespo memoriala. Ibilbidea ohikoa izango da, antolatzaileek atzoko agerraldian adierazi zutenez.

Bestalde, urtez urte emakumeen presentzia gero eta nabariagoa dela diote Antxintxika taldekoek eta espero dute aurten lasterkarien %30a gutxi gorabehera emakumezkoa izatea.  

Iazko irabazle Aitor Mimenza elorriarrak eta Maider Uribe bergararrak parte hartuko dute eta aurten zazpi alditan irabazi duen David Gartzia ere egongo da.

Izen-ematea zabalik dagoeneko

Izen-ematea zabalik dago dagoeneko, Kirolprobak.com atarian eta prezioa da hamasei eta hogei euro artekoa.

Amaieran dutxa zerbitzua egongo da, eta kontsigna irteeran ere bai. Arropa Bergarako Munibe plazan jaso ahalko da behin lasterketa bukatuta. Dortsalak egunean bertan Soraluzen jaso ahalko dira edo baita goizean ere, Bergarako udaletxeko arkupeetan.  

Babeslei eta laguntzaileei eskerrak

Servimasa enpresa babesleari eta lasterketa posible egiten duten enpresa eta gainerako komertzioei eskerrak ematea gain, egunean bertan ezinbesteko laguntza jasoko duten bi talderen babesa ere eskertu zuten atzoko agerraldia.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete