Seminarixo eta UNEDeko arkupetako sapaiko artelana egin du Beart-ek

Beart-ek egin du Bergarako Seminarixo eta UNEDeko arkupetako sapaiko artelana. Izan ere, Bergarako Udalaren lan-ildoetako bat da herriko talde eragile desberdinen lankidetza sustatzea. Hala, Beart-eko kide den Mayra Jimenezek proposatutako ideia hartu eta pladur piezatan gauzatu dute.

Seminarixoa kultura hazitegia inauguratzearekin batera erabaki zuen Bergarako Udalak kanpoaldea apaintzea eta atontzea. Hori dela eta, Beart elkartearengana jo zuen Udalak, Seminarixo zein UNEDeko arkupetako sapaia apaintzeko proposamena eginez.

Beart-ek Udalak proposatutakoa erronka gisa hartu zuen. Talde moduan Udalaren eskaera aztertu, hainbat aukera izan eta azkenean, pladurrean margotu eta berorren piezak itsastea izan zen soluziorik onena. Beart-eko kide den Mayra Jimenezen ideia izan zen nagusi eta taldeko 15 kide ibili dira ekainean eta uztailean artelana gauzatzen. Hala, luzeraz 40 metro eta zabaleraz 4 metro dituen pladurrezko artelana izan da emaitza eta Mayra eta gainontzeko artistak oso gustura daude egindako lanarekin.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.