Ernai Kaleko biribilgunetik Buruñao auzoko Zubiberriraino bidegorria egiteko lanak ekainean hasi zituzten, eta Elena Lete alkateak adierazi moduan, lanok martxa onean doaz, aurreikusitako epeak beteaz. Alkateak azpimarratu du bidegorri sarea osatuz doala pixkanaka.
Sasoi eraikuntzak enpresa ari da bidegorriko lanok egiten, eta, hasiera batean, sei hilabete beharko dituztela aurreikusten du Udalak. 345.725 euroko aurrekontua dute lanek, eta alkateak nabarmendu du garrantzitsua izan dela inguruko enpresekin lortutako hitzarmena.
Bergarako bidegorria saretzen joaten konpromisoari eutsiz, zati hau bukatu ostean, Antzuolarako lotura egitea aurreikusten du Udalak datorren urtera begira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.