Udako futbol campusa egiten dihardute Bergaran, lehenengoz. Ander Capa jokalari profesionalaren eta Sportmadness kirol kudeaketa elkartearen eskutik etorri da campusa antolatzeko aukera. Beñat Lopetegi antolatzaileak azaldu du Bergarara jo zutela harrobia zaintzen duen elkartea delako. Klubeko entrenatzaileen laguntza izan dute futbol campusa aurrera ateratzeko orduan.
8 eta 14 urte bitarteko neska-mutikoei zuzendutako campusa da. Batez ere Bergarako gaztetxoek eman dute izena, baina baita Antzuolako batzuk ere. Egubakoitzera arte ibiliko dira lanean, eta eguna lau zatitan banatu dute: beroketak egiten dituzte lehenengo, teknika lantzen dute ondoren, hamaiketako egiten dute, eta azkenik partidua jokatzen dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.