ALBISTEAK

Bergarako erraldoiak konpainia onean

Erraldoiek protagonismo berezia dute gaur Bergarako jaietan. Honela, herrikoekin batera Artikako eta Berriozarko, Ondarroako eta Reuseko erraldoiak ibili dira eguerdian kalez kale. Udaletxean, gainera, harrera berezia egin diete kataluniatik etorritakoei.

11:00etan ireki dute erraldoien gunea San Martin plazan: erraldoien erakusketa, erraldoiak egiteko tailerra, gomazko erraldoien erakusketa, palomita-makina, umeek margotzeko erraldoien liburuxka, xaboi-ponpa erraldoiak, umeentzat puzgarria.

Laster hasi dute kalejira, eta 13:00etan erraldoien dantzak izan dira ikusgai plazan. Konpartsek bazkaria egingo dute gero. 17:30ean buruhandi eta kilikiak izango dira, eta 18:00etan berriro ere erraldoien kalejira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.