"Zazpi urte daramatzagu elkartearekin eta oso pozik gaude. Laquntza bidali dugun Dionerwar herrian izan berri naiz, Senegalen eta benetan oso eskertuta daude hango herritarrak. Saskibaloian jokatzea gustuko dute eta Bergarako Saskibaloi taldekoek emandako arropa pozik jaso dute", azaldu du Ndank Ndank elkarteko Mamaduba kideak.
Hezkuntza eta osasuna, ardatz
4.000 biztanleko herri txikia dela Senegalgo Dionewar kontatu du Mamaduk. Bertan baina, bi proiektu nagusi bultzatzen dihardutela argitu du: "Hezkuntzarekin eta osasunarekin lotuta dauden bi proiektu garatzen gabiltza. Besteak beste, saskibaloiko kantxa bat eraikitzea lortu dugu. Uste dugu osasuna bultzatzeko tresna aparta dela saskibaloia eta kirola egitea bultzatu gura dugu bertako gazteen artean".