Hasi da Bergaran XIV. Apirilean Musika

Bergarako Musika Eskolako ikasleei eta, orokorrean, herritar guztiei ezohikoak diren ekintzak eta emanaldiak eskaintzeko asmoarekin, bueltan da Apirilean Musika izeneko ekimena. Hamalaugarren aldia da aurtengoa, eta bada nobedaderik: Seminarixoan izango dira ekintzetako batzuk.

Bergarako Musika Eskolak eta Udalak elkarlanean prestatu duten egitarauaren barruan, askotariko ekintzak antolatu dituzte. Egitarauan zuzenketatxo bat egin beharra dagoela adierazi dute antolatzaileek; apirilaren 15ean, domekan, Ahotsak airean eta Erlautzaren sekretua izango da Seminarixoan, 17:30ean (eta ez 19:30ean jartzen duen moduan) eta 19:00etan.